Back Brüder Grimm ALS Chirmans Grimm AN الأخوان غريم Arabic Hermanos Grimm AST Qrimm qardaşları AZ Бер туған Гриммдар BA Браты Грым BE Браты Грым BE-X-OLD Братя Грим Bulgarian গ্রিম ভ্রাতৃদ্বয় Bengali/Bangla
Jacob Grimm (1785-1863) en sy broer Wilhelm (1786-1859) was Duitse taal- en letterkundiges wat hulle lewe lank saamgewerk het en in die hele Westerse wêreld bekend geword het deur twee versamelings van volkssprokies wat tradisioneel mondeling oorgelewer is. Danksy hulle versamelwerk is sprokies soos Sneeuwitjie en Hansie en Grietjie vir die eerste keer skriftelik gedokumenteer. Die broers het hierdie versamelwerk as 'n stokperdjie gedoen en nooit verwag om daarmee kommersiële sukses te behaal nie.
Die broers, veral Jacob, het historiese taalkunde as hul eintlike vakgebied beskou en ʼn groot bydrae op die gebied van taalnavorsing gelewer. Al het die broers volgens die wens van hul vader in die regte gestudeer, het hulle uiteindelik navorsing oor die oorspronge van die Duitse taal as hul lewenswerk gedoen. Hulle word as die grondleggers van die Germanistiek as wetenskap van die Duitse taal en letterkunde beskou.