Chepri

Chepri
Chepri word dikwels uitgebeeld as ’n kewer, of ’n man met die gesig van ’n kewer, wat die oggendson omhoog hou.
Soort god	Egipties
God van	Hergeboorte en sonsopkoms
Naam in hiërogliewe
Kultussentrum	Heliopolis
Simbool	Kewer, besie, blou lotus
Sibbes	Atoem, Ra
Portaal    Antieke Egipte

Chepri of Cheper was in die Egiptiese mitologie ’n god wat met die Egiptiese heilige kewer verbind is; net soos ’n kewer of miskruier bolle mis oor die aarde beweeg, beweeg die son deur die lug. Omdat miskruiers hul eiers in die misbolle lê en die kleintjies uit die bolle te voorskyn kom, is Chepri ook beskou as ’n god van hergeboorte en die oggendson.

Cheper is ’n transkripsie van die Egiptiese woord wat "ontstaan", "gebeur", "skep" ens. beteken.