Desmostylia

Desmostylia Tydperk: 28.4–7.246 m. jaar gelede Ps Es Os Ms Pl Ps
Desmostylus
Wetenskaplike klassifikasie
Koninkryk:	Animalia
Filum:	Chordata
Subfilum:	Vertebrata
Klas:	Mammalia
Infraklas:	Placentalia
Superorde:	Afrotheria?
Orde:	Desmostylia Reinhart, 1853
Families
Palaeoparadoxiidae Desmostylidae

Die Desmostylia is 'n uitgestorwe orde plasentale soogdiere. Hul fossiele word in mariene sedimente in die Oligoseen-Mioseen van die noordelike Stille Oseaan aangetref.

Desmostylia is tradisioneel beskou as die verwantes van die Sirenia en die Proboscidea en dit plaas hulle in die Afrotheria-tak van die plasentale soogdiere. Daar is nogtans nooit fossiele van hulle rondom Afrika se kuste gevind nie en daar is ook kladistiese ontledings wat hulle as 'n basale groep van die Perissodactyla plaas, wat op Laurasiatheria-verwantskap sou dui.^[1]

Hul tande verskil van alle ander soogdiere s'n en dit is nie seker wat hulle gevreet het nie. Hulle was waarskynlik herbivoor en het dalk kelp gevreet. Hulle was veral seediere maar het soos robbe ook aan land kan kom.^[2]

1. ↑ Fossils and monophyly of Afrotheria: a review of the current data Alexander. O. Verianov, A.V. Lopatin Jan 2016 Archives of Zoological Museum of Lomonosov Moscow State University, 54, bls. 146-160.
2. ↑ "Ucmp Berkeley" (in Engels). Geargiveer vanaf die oorspronklike op 30 November 2019.