Dissel

'n Dissel (Engels: adze of adz) is 'n antieke en veeldoelige instrument soortgelyk aan 'n byl, maar met die kapdeel lynreg met die steel in plaas van parallel. Hulle is sedert die Steentydperk gebruik.

Dissels kan gebruik word om hout te kerf of glad te maak of as 'n skoffel vir landbou. Daar is twee basiese vorms: 'n kort of handdissel, wat met een hand gebruik word, en 'n lang of voetdissel, wat met albei hande gebruik word vir baie sterk hale naby die voete.^[1]

1. ↑ Salaman, R.A. Dictionary of tools used in the woodworking and allied trades, c. 1700–1970. New York: Scribner, 1975. 23.