Back طباعة مزدوجة Arabic Beidseitiger Druck German Duplex printing English Impresión a doble cara Spanish Impression recto-verso French Dupleks (druk) Polish
Onder dupleksdruk word verstaan dat die drukker of masjien outomaties aan albei kante van 'n stuk papier kan druk. Met ander woorde, die drukker draai die papier self om nadat die een kant gedruk is om ook aan die anderkant te druk. Instellings maak dit moontlik om die tweede bladsy op verskillende maniere te druk – of ten minste die rigting te verander.
Dupleksdruk bespaar nie net papier nie, maar die drukstuk sal die helfte so dik wees. Dus is dit baie meer ekonomies om dit so te druk.
Baie dupleksdrukkers het ook 'n boek-samestelling-moontlikheid, waar die drukker 'n aantal (A4) blaaie outomaties in 'n spesifieke orde druk en sorteer, sodat die drukstuk 'n (A5) boekie sal vorm indien die pak in die middel gevou en daarna met krammetjies in die middel gebind word. Die afvoer sal soortgelyk aan 'n (A5) skoolboek wees.
