Ekurhuleni Metropolitaanse Munisipaliteit

Ekurhuleni Metropolitaanse Munisipaliteit (Oos-Rand)
Kaart	Vlag
	Wapen
Land	Suid-Afrika
Provinsie	Gauteng
Koördinate	26°10′38″S 28°13′19″E / 26.17722°S 28.22194°O / -26.17722; 28.22194
Gestig op	2000
Oppervlakte:
- Totaal	1 975 vk km
Hoogte bo seevlak	1 570 m
Bevolking:
- Totaal	3 178 470
- Bevolkingsdigtheid	1 600/vk km
Tydsone	UTC+2
- Somertyd	UTC+2
Burgemeester	Tania Lynette Campbell (Demokratiese Alliansie)
Amptelike webwerf	www.ekurhuleni.com

Ekurhuleni Metropolitaanse Munisipaliteit (ook bekend as die Oos-Rand) is 'n metropolitaanse munisipaliteit wat die plaaslike regering van die Oos-Rand-gebied van Gauteng vorm.

Ekurhuleni is een van die 5 distrikte van die Gauteng-provinsie in Suid-Afrika. Die hoofsetel van Ekurhuleni is in Germiston. Die meeste van die 3 178 470 inwoners praat Zoeloe (2011-sensus).^[1]

Die naam Ekurhuleni beteken "Plek van Vrede" in Tsonga, maar word amptelik nie in die ander landstale vertaal nie. So word na die gebied in Afrikaans steeds as Oos-Rand verwys, terwyl Engelssprekendes dit East Rand noem. Die Nederlandse Taalunie,^[2] gee Oost-Rand aan as die Nederlandse naam van die gebied.^[3]

Ekurhuleni is naburig aan:

• Tshwane aan die noordekant
• Metsweding (CBDC2) in die noordooste
• Nkangala (DC31) aan die oostekant
• Sedibeng (DC42) aan die suidekant
• Johannesburg aan die westekant

1. ↑ Ekurhuleni tydens die 2011-sensus
2. ↑ Die Nederlandse Taalunie is 'n liggaam wat taalsake tussen die drie Nederlandsprekende lande (Nederland, België/Vlaandere en Suriname) reël en vanweë Nederland se historiese taalkundige betrekkinge met die Afrikaanssprekende gemeenskap in Suid-Afrika, sy aktiwiteite ook na dié land uitgebrei het
3. ↑ Die amptelike taal volgens die Nederlandse Taalunie Nederlandse Taalunie, geraadpleeg op 17 Maart 2013