Back Ästhetik ALS ሥነ ውበት AM सौन्दर्यशास्त्र ANP فلسفة الجمال Arabic Estética AST सौन्दर्यशास्त्र AWA Estetika AZ Эстетика BA Эстэтыка BE Эстэтыка BE-X-OLD
Estetika is ’n afdeling van filosofie wat handel oor die aard van kuns, skoonheid en smaak. Heel verskillende betekenisse word deur verskillende mense daaraan geheg.
Die term is afgelei van die Griekse woord αἰσθητικός (aisthetikos). Dit het dieselfde wortel as αισθησις (aisthesis). Laasgenoemde kan dui op sintuiglike waarnemings sowel as gevoel.
Vir sommige is estetika ’n sinoniem vir die filosofie van kuns, terwyl ander meen daar is ’n aansienlike verskil tussen die twee verwante begrippe. In die praktyk verwys estetiese oordeel na die sintuiglike waardering van ’n voorwerp (nie noodwendig ’n kunsartikel nie), terwyl ’n kunsoordeel verwys na die herkenning en waardering van kuns of ’n kunsartikel of kritiek daarop.
