Fins-Samiese tale

Fins-Samies
Geografiese verspreiding:	Noordelike Fennoskandinawië, Baltiese lande, Suidwes en Suidoos-Rusland
Genetiese klassifikasie:	Oeraals  Fins-Oegries   Fins-Permies    Fins-Wolgaïes[1]     Fins-Samies
Onderafdelings:	Oosseefins Samies
ISO 639-2:	fiu
Benaderde verspreiding van die Fins-Samiese tale oor Finland, Estland, Karelië, en Lapland

Die Fins-Samiese tale of Fins-Lappiese tale is 'n deelgroep van die Fins-Oegriese tale in die Oeraalse taalfamilie wat bestaan uit die Oosseefinse tale en die Samiese tale. Die tale word in die landstreke om die Oossee en verder Noord tot in die Noordelike poolsirkel gepraat. Dit sluit die twee grootste tale in die Finse been van die Fins-Oegriese tale in naamlik Fins en Estnies wat ook amptelike van Finland en Estland onderskeidelik is en van die Europese Unie.^[2]

Fins-Samies het waarskynlik in ongeveer 1200 v.C. ontstaan uit Fins-Wolgaïes wat verdeel het in in Fins-Samies en Wolgaïes wat vandag deur Mari en die Mordwiense tale Moksja en Erzja verteenwoordig word. Die vroeë Fins-Samies is meer wes naby die Oossee gepraat terwyl die Wolgaïese tale naby die groot draai in die Wolgarivier gepraat is. Fins-Samies het waarskynlik in omtrent 1000 v.C. in Oosseefins en Samies verdeel.^[3]

1. ↑ Jacek Fisiak, Raymond Hickey, Stanisław Puppel, Language History and Linguistic Modelling: A Festschrift for Jacek Fisiak on His 60th Birthday, Contributor Jacek Fisiak, Uitgegee deur Walter de Gruyter, bl. 831, 1997, ISBN 3110145049, 9783110145045
2. ↑ Grenoble, Lenore (2003). Language Policy in the Soviet Union. New York Stad: Springer. p. 15. ISBN 1402-01298-5.
3. ↑ Rein Taagepera, The Finno-Ugric Republics and the Russian State, Uitgegee deur Routledge, 1999, ISBN 0415919770, 9780415919777, bl. 33-34