Back فورتاليزا Arabic فورتاليزا ARZ Fortaleza AST Fortaleza (Ceará) AY Fortaleza AZ Fortaléza BAN Фарталеза BE Фарталеза BE-X-OLD Форталеза Bulgarian ফর্তালিজা Bengali/Bangla
|
Fortaleza | |
|---|---|
| Kaart | Wapen |
 | |
 | |
| Vlag | |
 | |
| Land |  Brasilië
|
| Deelstaat |  Ceará
|
| Koördinate | 3°43′S 38°31′W / 3.717°S 38.517°W |
| Gestig op | 13 April 1726 (amptelik) |
| Oppervlakte: | |
| - Totaal | 312,353 vk km |
| Hoogte bo seevlak | 16 m |
| Bevolking: | |
| - Totaal (2021) | 2 703 391 |
| - Bevolkingsdigtheid | 7 588/vk km |
| Tydsone | UTC -3 (BRT) |
| Burgemeester | José Sarto (PDT) |
| Amptelike webwerf | fortaleza.ce.gov.br |
Fortaleza (Portugees: [fɔɦtaˈlezɐ], letterlik: "vesting" of "fort", amptelik: Fortaleza de Nossa Senhora da Assunção) is die administratiewe hoofstad van die Noordoos-Brasiliaanse deelstaat Ceará met 'n oppervlakte van 312 vierkante kilometer en 'n bevolking van meer as 2,7 miljoen mense. Die stadsgebied word in die noorde deur die Atlantiese Oseaan begrens, terwyl die stede Patacuba, Eusébio, Maracanaú en Itaitinga ten suide en Caucaia ten weste van Fortaleza geleë is. Fortaleza lê tussen twee riviere, die Ceará in die weste en die Cocó in die ooste.
Die bewoners van Fortaleza staan in Brasiliaanse Portugees as Fortalezenses bekend. Die stad beskik oor 'n internasionale lughawe, Pinto Martinas, wat Fortaleza met ander Brasiliaanse metropole en bestemmings in die buiteland verbind. Die wit strande en polsende naglewe het van Fortaleza een van die gewildste bestemmings vir in- en uitheemse toeriste gemaak.
Net soos talle ander Brasiliaanse nedersettings langs die kus was Fortaleza aanvanklik 'n omstrede stad. Die dorp, waaruit Fortaleza later sou ontstaan, het hom sodoende in verskillende tydperke onder die oorheersing van Nederlanders, Portugese en die plaaslike Tabajara-volk bevind. In 1639 het die Nederlanders onder die bevel van Mathias Beck hier 'n fort opgerig wat tot vandag toe in die stadsentrum van Fortaleza lê. Nadat die Nederlanders deur 'n Portugese strydmag verdryf is, het die nedersetting sy huidige amptelike Portugese naam en in 1699 ook stadstatus gekry. In 1823 het Fortaleza die hoofstad van Ceará geword en omstreeks 1880 tot 'n beduidende uitvoerhawe vir katoen ontwikkel.
Vandag is Fortaleza met sy uitstekende toerisme-infrastruktuur en groeiende nywerheidsektor die ekonomiese sentrum van Noordoos-Brasilië. Sy akademiese en navorsingsinstellings, waaronder drie groot universiteite en 'n aantal kleiner tersiêre instellings, het onder meer die opbou van 'n inligtingstegnologiesektor bevorder wat nou steeds meer hoogs gekwalifiseerde spesialiste uit ander dele van die land lok.[1] Fortaleza se Estádio Castelão is tydens beide die FIFA Sokker-Konfederasiebeker in 2013 en FIFA Sokker-Wêreldbekertoernooi in 2014 vir wedstryde ingespan.