Frigg

Moenie verwar word met die godin Freyja nie.

In die Germaanse mitologie is Frigg (/frɪɡ/; Oudnoors)^[1], Frija (Oudhoogduits), Frea (Lombardies) of Frige (Oudengels) 'n godin. In byna al die bronne word sy beskryf as die vrou van die god Odin. In Ou Hoogduitse en Oud-Noorse bronne word sy ook verbind met die godin Fulla. Die weekdag "Vrydag" (Oudengels: Frīge's day) dra haar naam.

Frigg word beskryf as 'n godin wat gepaardgaan met vooruitsig en wysheid in Noorse mitologie, die noordelikste tak van die Germaanse mitologie. Frigg is die vrou van die groot god, Odin, en woon in die vleiland se sale van Fensalir waar sy bekend is vir haar voorkennis. Sy word verbind met die godinne Lofn, Hlín en Gná. Sy word ook dubbelsinnig verbind met die aarde, andersins verpersoonlik as 'n blykbaar afsonderlike entiteit Jörð (Oud-Noors vir "aarde"). Die kinders van Frigg en Odin sluit die blinde god Balder in.

Na Christenskap het die vermelding van Frigg steeds in die Skandinawiese volksmond plaasgevind. In moderne tye verskyn sy in die moderne populêre kultuur en is sy die onderwerp van kuns. Sy word ook vereer in Germaanse neopaganisme.

1. ↑ "Frigg". Random House Webster's Unabridged Dictionary