Gewapende beton

Gewapende beton (ook versterkte beton genoem) is 'n boumateriaal wat gevorm word deur beton intern met treklasdraende materiale, gewoonlik staalstawe, te versterk. Dit word gewoonlik vervaardig deur die interne staalversterking eers te bou en dan die beton daar rondom te giet. Gewone beton is uiters geskik om saampersende spannings te weerstaan, maar kraak maklik tydens trekspannings. Dit maak gewone beton ongeskik vir die vervaardiging van swaar balke en ander konstruksies waar 'n deel van die materiaal aan groot treklaste onderhewig is. Gewapende beton oorkom hierdie probleem deur die treklaste deur die interne staalstawe te dra, en is dus sterk gedurende saampersings sowel as trekke. Dit maak van gewapende beton 'n uiters gewilde boumateriaal.

1. ↑ Nele Dechmann, Fabian Jaggi, Katrin Murbach en Nicola Ruffo: Up, Up. Stories of Johannesburg's Highrises. Ostfildern: Hatje Crantz 2016. Johannesburg: Fourthwall Books 2016, bl. 31