Husband Kimmel

Husband Edward Kimmel
Husband Kimmel
Bynaam(e)	"Kim"
Geboortedatum	26 Februarie 1882
Geboorteplek	Henderson, Kentucky, Verenigde State
Sterfdatum	14 Mei 1968
Sterfplek	Groton, Connecticut, VSA
Lojaliteit	Verenigde State
Diens/Tak	Amerikaanse Vloot
Jare in diens	1904 - 1942
Rang	Skout-admiraal (onderste helfte)
Veldslae/oorloë	Meksikaanse Rewolusie Amerikaanse besetting van Veracruz Eerste Wêreldoorlog Tweede Wêreldoorlog Aanval op Pearl Harbor

Husband Edward Kimmel (Henderson, Kentucky, 26 Februarie 1882 - Groton, Connecticut, 14 Mei 1968) was 'n Amerikaanse admiraal en bevelvoerder van die Stille Oseaanvloot tydens die aanval op Pearl Harbor op 7 Desember 1941.

Tien dae na die aanval is hy van sy pos onthef, verlaag in rang en deur Admiraal Chester W. Nimitz vervang. 'n Kommissie van ondersoek het hom daarvan beskuldig dat hy die verdediging van die basis nie genoegsaam georganiseer het nie. Hy het vroeg in Mei 1942 uit die vloot bedank. Die Kongres het hom sterk gekritiseer en hy het doodsdreigemente ontvang.

Hy is tydens die Japannese aanval deur 'n dwaalkoeël getref. Hy het later gesê hy sou eerder wou gesterf het.

Gesinslede het in 1995 pogings aangewend om sy naam te suiwer. Hy is in 1999 postuum tot sy rang herstel, toe die Amerikaanse senaat 'n nie-bindende resolusie aanvaar het om hom tot sy pos as Admiraal te herstel, omdat belangrike inligting in Washington DC oor die Japannese voorbereidings vir 'n aanval op Pearl Harbor van hom weerhou is. Nóg president Bill Clinton, nóg sy opvolgers, het egter op hierdie senaatresolusie gereageer.