Ibuprofeen

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.

Ibuprofeen


Chemie
IUPAC naam	(RS)-2-(4-(2-metielpropiel)- feniel)-propanoësuur
Chemiese formule	C₁₃H₁₈O₂
Molêre massa	206.29 g/mol
Voorkoms	wit, kristallyn
CAS-nommer	CAS_number = 15687-27-1
Farmakokinetika
Biobeskikbaarheid	49–73%
Proteïengebonde	99%
Metabolisme	Lewer (CYP2C9-ensiem)
Uitskeiding	Niere
Halfleeftyd	1.8 tot 2 uur

Ibuprofeen (INN) (Isobutielpropanoë-fenoliese suur) is 'n nie-steroïde anti-inflammatoriese middel (NSAIM) wat gebruik word vir die verligting van pyn en koors, en die vermindering van inflammasie.

Ibuprofeen verminder die plaatjiekleefbaarheid in bloed, maar is relatief flou en hou van korte duur in vergelyking met aspirien of voorskrif teenstollingsmiddels. Dit het ook 'n vasodilatoriese effek. Ibuprofeen is 'n kernmedisyne in die Wêreldgesondheidsorganisasie se modellys van noodsaaklike medisyne wat nodig geag word om die minimum mediese behoeftes van 'n basiese gesondheidsorgstelsel te ondersteun.

Ibuprofen is afgelei van propanoësuur deur navorsing by die "Boots Company" gedurende die 1960's en gepatenteer in 1961. Oorspronklik bemark as Brufen ®, is ibuprofeen beskikbaar onder 'n verskeidenheid van gewilde handelsmerke, insluitend Nurofen ®, Advil ®, Mybulen ®, Myprodol ® (kombinasieproduk), Ibupain ®, Ibufen ® en vele ander. Generiese formulerings hiervan is ook beskikbaar in die handel.