Back ጄምስ ማዲሰን AM James Madison AN Iacobus Madison ANG جيمس ماديسون Arabic دجيمس ماديسون ARY جيمس ماديسون ARZ James Madison AST जेम्स म्याडिसन AWA James Madison AY Ceyms Medison AZ
| James Madison | |
|---|---|
| |
| 4de President van die Verenigde State | |
| Ampstermyn | 4 Maart 1809 – 4 Maart 1817 |
| Voorganger | Thomas Jefferson |
| Opvolger | James Monroe |
| Geboortedatum | 16 Maart 1751 |
| Geboorteplek | Port Conway, Virginië |
| Sterftedatum | 28 Junie 1836 |
| Sterfteplek | Montpelier, Virginië |
| Eerste Dame | Dolley Todd Madison |
| Politieke party | Demokratiese Republikein |
| Visepresident | George Clinton (1809–1812) geen (1812–1813) Elbridge Gerry (1813–1814) geen (1814–1817) |
| Handtekening | 
|
James Madison (* 16 Maart 1751, † 28 Junie 1836) was 'n Amerikaanse politikus en politieke filosoof wat tussen 1809 en 1817 die amp van President van die Verenigde State beklee het; hy was die vierde president. Hy word daarnaas as een van die Stigtingsvaders van die Verenigde State beskou. Tydens sy ampstermyn het Louisiana (30 April 1812) en Indiana (11 Desember 1816) die 18de en 19de deelstate van die Verenigde State van Amerika geword.
Madison het die belangrikste bydrae tot die Amerikaanse grondwet gelewer sodat na hom dikwels as die "Vader van die Grondwet" verwys word. In 1788 het hy meer as 'n derde van die Federalist Papers geskryf, 'n invloedryke kommentaar op die Amerikaanse grondwet.
Madison was die eerste president wat tot verteenwoordiger van die Amerikaanse Kongres verkies is. Hy was 'n leier in die 1ste Kongres van die Verenigde State waar hy talle basiese wette ontwerp het en ook verantwoordelik was vir die eerste tien wysigings van die grondwet (wat na bewering op Virginië se Verklaring van Menseregte gebaseer was). Derhalwe staan hy ook bekend as die "Vader van die Bill of Rights". As 'n politieke teoretikus het hy veral die oortuiging aangehang dat die nuwe republiek die regte van individue deur middel van wigte en teenwigte (checks and balances) teen 'n moontlike tirannie van die meerderheid moes beskerm.
As 'n leier in die Huis van Verteenwoordigers (House of Representatives) het Madison by die organisering van die nuwe federale regering nou saamgewerk met George Washington.
Normdata  |
|
|---|