Kadima

Kadima
קדימה
Leier	/
Gestig	24 November 2005
Ontbind	2015
Afgestig van	Likoed
Hoofkwartier	Petah Tikva, Israel
Ideologie	Sentrisme, Liberalisme, Sionisme
Internasionale affiliasie	World Zionist Organization
Amptelike kleure	Vlootblou, rooi en wit
Webblad	kadima.org.il

Kadima (Hebreeus: קדימה, Qādīmāh, 'voorwaarts') was 'n sentristiese/middelregse politieke party in Israel. Na die verkiesing van 28 Maart 2006 was dit ook die sterkste party in Israel nadat dit 29 van die 120 setels in die Knesset gewen het. Na koalisiegesprekke met die Gilparty, het die twee partye besluit om te verenig wat Kadima 36 setels gee. Ook na die verkiesing van 10 Februarie 2009 was dit die sterkste party nadat dit 28 setels gewen het. In die 2013-verkiesing het die party 2 setels verower en in die 2015-verkiesing 0 setels (nie aan deelgeneem nie).

Kadima is deur Eerste Minister Ariel Sharon gevorm nadat hy die regse Likoed party formeel op 21 November 2005 verlaat het om 'n nuwe party te stig wat hom die vryheid sou bied vir die uitvoer van sy beleid van eensydige onttrekking – die verwydering van Israeliese nedersettings uit Palestynse grondgebied en die vaslê van die grense met 'n skeidingsversperring.

Van 18 Januarie 2006 tot 31 Maart 2009 het Kadima deel uitgemaak van die Sharon II-kabinet (gedeeltelik) en die Olmert-kabinet (heeltemal).