Back Caballería AN سلاح الفرسان Arabic فرسان ARZ Caballería AST Kavaleriya AZ سوواری AZB Kavallerie BAR Кавалерыя BE Кавалерыя BE-X-OLD Кавалерия Bulgarian
Histories gesproke is die kavallerie berede soldate wat te perd geveg het. In moderne tye verwys kavallerie egter na die vinnige tak van die weermag, in teenstelling met die stadiger infanterie (die voetsoldate).
Sedert mense op perde begin ry het, het soldate met perde geveg. Perde is aanvanklik gebruik om soldate van en na die slagveld te vervoer. Die soldate het as die berede infanterie bekend gestaan. Later het mense van die perde se rûe af begin veg, en is die kavallerie gebore.
Omdat perde sterk is, kan lede van die kavallerie meer en swaarder wapens as die infanterie dra. Perde is ook vinnig as mense, wat beteken dat die kavallerie vinniger in die gevegsgebied ontplooi kan word.
Berede eenhede is mettertyd deur gemotoriseerde en gemeganiseerde eenhede vervang. Perde moes plek maak vir gepantserde voertuie en vliegtuie. Vandag gebruik moderne weermagte "gepantserde kavallerie" (tenks) en "lugkavallerie" (vegvliegtuie).