Back كيفن مكارثي Arabic كيفين مكارثى ARZ کوین مک‌کارتی AZB Kevin McCarthy (polític) Catalan Kevin McCarthy Czech Kevin McCarthy (californisk politiker) Danish Kevin McCarthy (Politiker) German Κέβιν ΜακΚάρθι Greek Kevin McCarthy English Kevin McCarthy (político) Spanish

Kevin McCarthy

Kevin McCarthy

Kevin Owen McCarthy (gebore 26 Januarie 1965) is 'n Amerikaanse politikus wat van Januarie tot Oktober 2023 gedien het as die 55ste speaker van die Verenigde State se Huis van Verteenwoordigers. Hy is 'n lid van die Republikeinse Party, en verteenwoordig Kalifornië se 20ste kiesafdeling, wat die grootste deel van die San Joaquin-vallei insluit.[1][2][3]

McCarthy is gebore in Bakersfield, Kalifornië, en het aan die Kalifornië Staats-universiteit, Bakersfield, gegradueer. Hy het gedien as 'n lid van die Kaliforniese Staatsparlement van 2002 tot 2006, dieselfde jaar waarin hy vir die eerste keer tot die Amerikaanse Huis van Verteenwoordigers verkies is. McCarthy het van 2009 tot 2011 gedien as die minderheidsleier van die Huis, en van 2011 tot 2014 as meerderheidsleier.[4][5] Ná die Huis-meerderheidsleier, Eric Cantor, se herverkiesingsverlies in die 2014 Republikeinse voorverkiesing, is McCarthy tot meerderheidsleier onder speaker John Boehner verkies. Hy het daardie posisie behou tydens Paul Ryan se speakerskap. In 2019, nadat Ryan afgetree het, is McCarthy tot Huis-minderheidsleier verkies.[6]

Toe Joe Biden die Amerikaanse presidensiële verkiesing in 2020 gewen het, het McCarthy Donald Trump se aansprake van kiesersbedrog ondersteun en aanvanklik deelgeneem aan pogings om die uitslae om te keer. Nadat die Amerikaanse Kongresgebou tydens die telling van die 2021 verkiesingsstemme bestorm is, het McCarthy sy vorige opmerkings oor kiesersbedrog in die verkiesing omgekeer en Trump vir die oproer geblameer.[7][8][9][10] Teen 2022 het hy hom in die openbaar met Trump versoen.[11][12] McCarthy het die Huis-Republikeine deur die 2022-verkiesing gelei, waartydens hulle 'n skrale meerderheid verkry het.

McCarthy is in Januarie 2023 genomineer as die Republikeine se kandidaat vir speaker, maar het nie die speakerskap met die eerste stemming gewen nie. Hy is uiteindelik in die amp bevestig ná dae van opeenvolgende stemme en onderhandelinge binne sy party op die 15de stemming. Na 'n stryd tussen die Huis van Verteenwoordigers (vernaam die Republikeine, en veral diè party se "Freedom Caucus") en die Biden-administrasie, het McCarthy en die Biden-administrasie 'n skikking bereik om die 2023-skuldplafonkrisis op te los en te verhoed dat die VSA vir die eerste keer nie in staat sou wees om sy skuld te betaal nie. Om die krisis op te los, het die partye onderhandelings gevoer oor die aanvaarding van die Wet op Fiskale Verantwoordelikheid van 2023 en die inhoud daarvan, wat uiteindelik met die steun van albei partye in die Kongres aanvaar is, voordat Biden dit as wet onderteken het. Die reëling ('n sogenaamde "45-Day Stopgap Funding Bill"), is egter 'n tydelike reëling en slegs van toepassing vir 45 dae, en sluit nie befondsing vir die Oekraïne in nie.[13] [14] Na 'n historiese debat tussen lede van die Republikeinse party (die meerderheidsparty) is McCarthy op 3 Oktober 2023 as speaker uitgestem.[15] Sy ampstermyn was die derde kortste vir 'n Speaker van die Huis in die geskiedenis van die Verenigde State,[16][17] Hy is die eerste speaker ooit wat tydens 'n wetgewende sessie van die rol verwyder is.[18]

  1. ↑ "Live updates: House elects McCarthy as speaker after days of defeats and concessions". The Washington Post (in Engels). 6 Januarie 2023. Geargiveer vanaf die oorspronklike op 6 Januarie 2023. Besoek op 7 Januarie 2023.
  2. ↑ "Kevin McCarthy Elected House Speaker—Ending Historic Deadlock". Forbes. 7 Januarie 2023. Geargiveer vanaf die oorspronklike op 7 Januarie 2023. Besoek op 7 Januarie 2023.
  3. ↑ Karni, Annie (6 Januarie 2023). "Live Updates: McCarthy Wins Speakership on 15th Vote". The New York Times (in Engels (VSA)). ISSN 0362-4331. Geargiveer vanaf die oorspronklike op 6 Januarie 2023. Besoek op 7 Januarie 2023.
  4. ↑ "Kevin McCarthy, Steve Scalise vault into GOP leadership". Politico. Geargiveer vanaf die oorspronklike op 28 Desember 2014. Besoek op 19 Junie 2014.
  5. ↑ "GOP Rep. McCarthy elected House majority leader". Yahoo! News. Associated Press. 19 Junie 2014. Geargiveer vanaf die oorspronklike op 23 Junie 2014. Besoek op 19 Junie 2014.
  6. ↑ Pramuk, Jacob (14 November 2018). "Rep. Kevin McCarthy elected GOP leader in the House for next Congress". CNBC. Geargiveer vanaf die oorspronklike op 8 November 2020. Besoek op 22 November 2018.
  7. ↑ Vlamis, Kelsey (6 November 2020). "Kevin McCarthy echoed Trump's false claim that he won the election, saying Republicans 'will not back down'". Business Insider. Geargiveer vanaf die oorspronklike op 17 Julie 2022. Besoek op 6 November 2020.
  8. ↑ Lemon, Jason (18 Maart 2021). "Kevin McCarthy Attempts to Rewrite History With Claim He Didn't Support Overturning Biden's Win". Newsweek. New York. Geargiveer vanaf die oorspronklike op 19 Mei 2021. Besoek op 29 Mei 2021.
  9. ↑ Schnell, Mychael (9 Februarie 2022). "McCarthy says Jan. 6 rioters did not engage in 'legitimate discourse'". The Hill (in Engels (VSA)). Geargiveer vanaf die oorspronklike op 9 Februarie 2022. Besoek op 3 Mei 2022.
  10. ↑ Creitz, Charles (6 Januarie 2021). "McCarthy condemns 'un-American' breach of US Capitol by pro-Trump demonstrators". Fox News. Geargiveer vanaf die oorspronklike op 6 Januarie 2021. Besoek op 2 Mei 2022.
  11. ↑ Haberman, Maggie (27 Januarie 2021). "McCarthy to meet Trump after rift over his assertion that the former president 'bears responsibility' for the Capitol attack". The New York Times. Geargiveer vanaf die oorspronklike op 19 Februarie 2021. Besoek op 22 Februarie 2021.
  12. ↑ "Trump, McCarthy meet and agree on GOP goal to take House". Tampa Bay Times. Tampa Publishing Company. Geargiveer vanaf die oorspronklike op 29 Januarie 2021. Besoek op 9 Februarie 2021.
  13. ↑ Manley, Mary (30 September 2023). "US House of Representatives Passes 45-Day Stopgap Funding Bill With No Aid for Ukraine". Sputnik International (in Engels). Besoek op 5 Oktober 2023.
  14. ↑ Hunnicutt, Trevor (5 Junie 2023). "Biden signs debt limit bill, avoiding U.S. Default". Reuters. Geargiveer vanaf die oorspronklike op 12 Junie 2023. Besoek op 12 Junie 2023.
  15. ↑ Edmondson, Catie (3 Oktober 2023). "Speaker Vote: House Votes to Oust McCarthy as Speaker". The New York Times (in Engels (VSA)). ISSN 0362-4331. Geargiveer vanaf die oorspronklike op 3 Oktober 2023. Besoek op 3 Oktober 2023.
  16. ↑ Hickey, Christopher (4 Oktober 2023). "McCarthy has lost the gavel. It was the third shortest speakership in history. | CNN Politics". CNN (in Engels). Geargiveer vanaf die oorspronklike op 4 Oktober 2023. Besoek op 4 Oktober 2023.
  17. ↑ Slegs Theodore M. Pomeroy (een dag) en Michael C. Kerr (258 dae) het korter termyne gedien as McCarthy.
  18. ↑ Mascaro, Lisa; Amiri, Farnoush (3 Oktober 2023). "Speaker McCarthy ousted in historic House vote, as scramble begins for a Republican leader". Associated Press. Geargiveer vanaf die oorspronklike op 3 Oktober 2023. Besoek op 3 Oktober 2023.

Kevin McCarthy

Dodaje.pl - Ogłoszenia lokalne