Back Lockheed C-5 Galaxy AN لوكهيد سي5 جلاكسي Arabic Lockheed C-5 Galaxy AST Локхийд C-5 Галакси Bulgarian Lockheed C-5 Galaxy BS Lockheed C-5 Galaxy Catalan Lockheed C-5 Galaxy Czech Lockheed C-5 Galaxy Danish Lockheed C-5 German Lockheed C-5 Galaxy Greek
| Lockheed C-5 Galaxy | |
|---|---|
 | |
| Tipe | Vragvliegtuig |
| Vervaardiger | Lockheed Corporation Lockheed Martin |
| Nooiensvlug | 30 Junie 1968[1] |
| Bekendstelling | Junie 1970 |
| Status | In diens |
| Hoofgebruiker | Amerikaanse Lugmag |
| Vervaardig | C-5A: 1968–1973 C-5B: 1985–1989 |
| Aantal gebou | 131 (C-5A: 81, C-5B: 50) |
| Eenheidskoste | C-5A: VS$ 224,29 miljoen (2016)[2] C-5B: VS$ 262,75 miljoen (2016)[2] C-5C: VS$ 129,17 miljoen (2016)[2] C-5M: VS$ 100,37 miljoen (2016)[2] |
Die Lockheed C-5 Galaxy is 'n groot militêre vragvliegtuig, oorspronklik ontwerp en gebou deur Lockheed en word tans onderhou en opgradeer deur sy opvolger, Lockheed Martin. Dit bied aan die Amerikaanse Lugmag (USAF) die vermoë om groot, ultragroot en swaar vragte interkontinentaal te kan dra, insluitend alle lug-sertifiseerbare vrag. Die Galaxy het baie ooreenkomste met die kleiner Lockheed C-141 Starlifter asook die latere Boeing C-17 Globemaster III. Die C-5 is een van die grootste militêre vliegtuie ter wêreld.
Die ontwikkeling van die C-5 Galaxy was ingewikkeld, insluitend aansienlike koste-oorskrydings en Lockheed het aansienlike finansiële probleme ondervind. Kort nadat dit in diens gestel is, is krake in die vlerke van baie vliegtuie ontdek en die C-5-vloot se vermoë is beperk totdat regstellende werk voltooi is. Die C-5M Super Galaxy is 'n opgegradeerde weergawe met nuwe enjins en gemoderniseerde avionika wat ontwerp is om sy lewensduur tot 2040 en verder te verleng.
Die USAF het die C-5 sedert 1969 bedryf. In daardie tyd het die vragtuig Amerikaanse militêre operasies in alle groot konflikte ondersteun, insluitend Viëtnam, Irak, Joego-Slawië en Afghanistan, sowel as geallieerde ondersteuning, soos vir Israel tydens die Jom Kippoeroorlog en operasies in die Golfoorlog. Die Galaxy het ook humanitêre hulp versprei, ramphulp verskaf en die Amerikaanse ruimteprogram ondersteun.
- ↑ Bakse 1995, p. 91.
- ↑ 2,0 2,1 2,2 2,3 "C-5 A/B/C Galaxy and Super Galaxy". U.S. Air Force (in Engels). United States Air Force. Geargiveer vanaf die oorspronklike op 17 Maart 2017. Besoek op 11 Junie 2016.