Marquesaseilande

Marquesaseilande Inheemse naam: Îles Marquises / Te Fenua ‘Enata / Te Henua Kenana
Vlag
Geografie
Ligging	Stille Oseaan
Argipel	Polinesië
Totale eilande	15
Hoofeilande	Nuku Hiva, Ua Pu, Ua Huka, Hiva Oa, Fatu Hiva
Hoogste punt	Berg Oave (Ua Pu) 1 230
Administrasie
Sien teks.
Oorsese kollektief	Frans-Polinesië, Frankryk
Hoofstad	Tai o Hae
Demografie
Bevolking	9 264[1]

Die Marquesaseilande (Frans: Îles Marquises of Archipel des Marquises; Marquesaans: Te Henua (K)enana (noorde) of Te Fenua `Enata (suide), wat albei "Die Land van die Mens" beteken) is ’n groep vulkaniese eilande in Frans-Polinesië, ’n oorsese kollektief van Frankryk in die suidelike Stille Oseaan. Die hoogste punt is die piek van Berg Oave op die eiland Ua Pu – 1 230 m bo die seevlak.^[2]

Volgens navorsing in 2010 is die eilande vinnig in twee vlae gekoloniseer deur inheemse bewoners van Wes-Polinesië. Dit het in ~1025-1120 n.C. begin en gelei tot die ontwikkeling van ’n "merkwaardig eenvormige kultuur, menslike biologie en taal".^[3]

In die 21ste eeu vorm die Marquesaseilande een van die vyf administratiewe afdelings van Frans-Polinesië. Die hoofstad is Taiohae op die eiland Nuku Hiva. Volgens die 2012-sensus was daar 9 264 bewoners op die eilande.^[1] Die Marquesaseilande is in 2024 deur Unesco as wêrelderfenisgebied gelys.^[4]

1. ↑ ^{1,0 1,1} INSEE. "Population des subdivisions administratives de Polynésie française" (in Frans). Geargiveer vanaf die oorspronklike op 19 September 2018. Besoek op 13 Oktober 2013.
2. ↑ "Communes des Îles Marquises". Geargiveer vanaf die oorspronklike op 9 Desember 2008. Besoek op 15 Julie 2016.
3. ↑ Janet M. Wilmshurst, Terry L. Hunt, Carl P. Lipo en Atholl J. Anderson. "High-precision radiocarbon dating shows recent and rapid initial human colonization of East Polynesia", PNAS, vol. 108 no. 5, doi: 10.1073/pnas.1015876108, URL besoek op 26 Oktober 2015
4. ↑ (en) "Te Henua Enata – The Marquesas Islands". Unesco. Besoek op 27 Julie 2024.