Back عين رع Arabic Auge des Re German Eye of Ra English Ojo de Ra Spanish چشم رع FA Œil de Rê French Ռայի աչք HY Eye of Ra ID Eye of Ra MIN Окото на Ра MK
Die Oog van Ra is in die Egiptiese mitologie die vroulike eweknie van die god Ra en ’n gewelddadige krag wat sy vyande verslaan.
Die Oog-godin is ’n uitbreiding van Ra se mag, en word gelykgestel aan die sonskyf, maar dit tree ook op as ’n onafhanklike entiteit wat deur verskeie Egiptiese godinne verpersoonlik kan word, onder andere Hathor, Sechmet, Bastet, Wadjet en Moet. Die Oog-godin tree op as moeder, sibbe, metgesel en dogter van die songod. Die Oog beskerm Ra teen die agente van chaos wat sy bewind bedreig.
As ’n mag teen die bose word dit dikwels gelykgestel aan die Oog van Horus, wat in ander gevalle ’n heeltemal ander konsep is.