Die Otterwandelpad is 'n staproete langs die kus en woude van die Tuinroete Nasionale Park (vroeër die Tsitsikamma Nasionale Park). Dit is na die groototter vernoem, wat algemeen in die area voorkom.[1]
Die staproete word as een van die beste staproetes ter wêreld beskou en strek van die Stormsrivier se monding (34°01′15.5″S 23°52′47.5″O) in die ooste tot by Nature's Valley (33°58′56″S 23°34′36″O) in die weste. Dit is 26 km lank soos die kraai vlieg, maar 41 km as dit gestap word. Dit neem 5 dae om die staproete te voltooi, en altesaam 4 nagte word in gerieflike hutte met mooi uitsigte deurgebring.
- ↑ Delien Burger (red.). "20. Tourism". South Africa Yearbook 2007/08 (15 uitg.). South African Government Communication and Information System. p. 548. ISBN 978-0-621-37568-8. Geargiveer vanaf die oorspronklike op 2 April 2009. Besoek op 7 Februarie 2012.