Paul van Griekeland

Paul
Koning van die Hellene
Periode	1 April 1947 – 6 Maart 1964
Voorganger	George II
Opvolger	Konstantyn II
Huis	Sleeswyk-Holstein-Sonderburg-Glücksburg
Vrou	Prinses Frederika van Hannover
Kinders	Sofia, koningin van Spanje Konstantyn II van Griekeland prinses Irene
Vader	Konstantyn I
Moeder	Prinses Sophia van Pruise
Gebore	14 Desember 1901, Athene
Oorlede	6 Maart 1964, Athene

Paul (Grieks: Παῦλος, Βασιλεὺς τῶν Ἑλλήνων, Pávlos, Vasiléfs ton Ellínon; 14 Desember 1901 – 6 Maart 1964) was van 1947 tot 1964 koning van Griekeland.

Paul is op 14 Desember 1901 in Athene gebore as die derde oudste seun van Konstantyn I van Griekeland en prinses Sophia van Pruise. Hy was ’n agterkleinseun van koningin Victoria van die Verenigde Koninkryk en ’n kleinseun van koning George I van Griekeland, die Deense prins van Glücksburg wat in 1863 as koning van Griekeland gekies is.

Op 9 Januarie 1938 is Paul in Athene getroud met prinses Frederika van Hannover. Hulle het drie kinders gehad:

• Sofia, koningin van Spanje
• Konstantyn II van Griekeland
• prinses Irene

Van 1917 tot 1920 het Paul in bannelingskap saam met sy pa, Konstantyn I, gewoon. Van 1923 tot 1935 en van 1941 tot 1946 was hy weer ’n banneling, dié keer saam met sy broer, George II.