Pioneer-program

Die Pioneer-program was twee reekse van Amerikaanse ruimtetuie wat die maan en ruimte ondersoek het. Die eerste program, vanaf 1958 tot 1960, was nie suksesvol om 'n ruimtetuig in 'n wentelbaan om die maan te plaas nie, maar wel suksesvol om een ruimtetuig verby die maan te laat vlieg en die ander om die ruimte tussen die Aarde en Venus te ondersoek. Die tweede program, vanaf 1965 tot 1992, het vier ruimtetuie gestuur om tussenplanitêre weer te meet, twee om Jupiter en Saturnus te verken en twee om Venus te verken. Die twee diepruimte sondeerders, Pioneer 10 en Pioneer 11, is die eerste van vyf kunsmatige voorwerpe wat 'n groot genoeg snelheid kon behaal om uit die Sonnestelsel te beweeg. Aanboord van die ruimtetuie was die Pioneer-plaat wat 'n man en vrou uitbeeld en daar was ook inligting op die plaat van die oorsprong en die skeppers van die plaat, ingeval wesens van ander planete die plaat vind.

Hierdie artikel is ’n saadjie. Voel vry om Wikipedia te help deur dit uit te brei.