Pol De Mont

Pol De Mont
Pol De Mont in 1896
Gebore	Karel Maria Polydoor de Mont 15 April 1857 Wambeek, België
Sterf	29 Junie 1931 (op 74) Berlyn, Republiek van Weimar
Nasionaliteit	België
Beroep	skrywer, digter, aktivis

Pol De Mont of Charles Polydore de Mont (15 April 1857 – 29 Junie 1931) was 'n Vlaamse skrywer en digter.

Pol De Mont is in Wambeek, naby Brussel gebore. Na sy sekondêre onderwys in Frans in Ninove, woon hy die Klein Seminarie in Mechelen by. Hier skryf hy sy eerste gedigte en in 1875 word sy eerste digbundel Klimoprankske uitgegee. Twee jaar later studeer hy regte aan die universiteit van Leuven. Saam met Albrecht Rodenbach stig hy hier Het Pennoen. In 1880 word hy met die Vyfjaarlijkse Staatsprys vir Vlaamse Letterkunde bekroon vir sy gedigte wat in die bundel Gedichten gepubliseer is.

Pol De Mont begin sy loopbaan as leerkrag aan die atheneum in Antwerp. In 1904 word hy benoem tot direkteur van die Museum vir Skone Kunste in Antwerp. 'n Jaar later word hy een van die stigters van die tydskrif De Vlaamse Gids, maar bedank in 1919 as direkteur nadat hy in die pers beskuldig is van aktivisme. Hy word daarna die hoofredakteur van die Vlaamsgesinde koerant De Schelde, waar van sy medewerkers Paul Van Ostaijen en Alice Nahon ingesluit het.