Roemeens-Ortodokse Kerk

Roemeens-Ortodokse Kerk
Die Paleis van die Roemeense Patriargaat (voorheen die Paleis van die Kamer van Afgevaardigdes) in Boekarest, Roemenië.
Moederkerk	Ekumeniese Patriargaat van Konstantinopel
Stigtingsjaar	1864
Status	Outokefaal
Kerkleiding
Hoof	Daniël van Roemenië
Hoof se titel	Aartsbiskop van Boekarest, Metropoliet van Walachië en Patriarg van die Hele Roemenië
Setel	Boekarest, Roemenië
Besonderhede
Liturgie	Bisantyns
Liturgiese taal	Roemeens
Kalender	Hersiene Juliaanse kalender
Gelowiges	18,8 miljoen
Bisdomme	27
Kloosters	386
Gemeentes	13 500
Webtuiste
http://www.patriarhia.ro

Die Roemeens-Ortodokse Kerk (Roemeens: Biserica Ortodoxă Română) is ’n outokefale Oosters-Ortodokse Kerk. Dit is in volle gemeenskap met ander Oosters-Ortodokse kerke. Die primaat van die kerk het die titel Aartsbiskop van Boekarest, Metropoliet van Walachië en Patriarg van die Hele Roemenië. Die kerk se jurisdiksie dek die hele Roemenië, met aartsbisdomme vir Roemene wat in die nabygeleë Moldowa, Serwië en Hongarye woon, asook kerkgemeenskappe in Sentraal- en Wes-Europa, Noord-Amerika en Oseanië.

Dit is die enigste Oosters-Ortodokse kerk wat ’n Romaanse taal gebruik. Die meeste mense in Roemenië (18 817 975, of 86,8% van die bevolking volgens die 2002-sensus^[1]) behoort daartoe, sowel as sowat 720 000 Moldowiërs.^[2] Die kerk is naas die Russies-Ortodokse Kerk die grootste Ortodokse kerk.

1. ↑ "2002 census data on religion" (PDF). Geargiveer vanaf die oorspronklike (PDF) op 26 Mei 2006. Besoek op 30 November 2011.
2. ↑ "Biserica Ortodoxă Română, atacată de bisericile 'surori'" ("Die Roemeens-Ortodokse Kerk, aangeval deur sy 'suster'-kerke" Geargiveer 1 Februarie 2008 op Wayback Machine, Ziua, 31 Januarie 2008