SN 1572

	SN 1572
	Die oorblyfsel van SN 1572, soos gesien deur die Chandra-X-straalsterrewag.
Soort supernova	Tipe Ia
Soort oorblyfsel	Newel
Sterrestelsel	Melkweg
Sterrebeeld	Kassiopeia
	Waarnemingsdata (Epog J2000)
Regte klimming	00h 25.3m
Deklinasie	+64° 09′
Gal. koördinate	G.120.1+1.4
Afstand (ligjaar)	Tussen 8 000 en 9 800
Ontdek	November 1572
Top-magnitude	-4
	Eienskappe
Voorloperster	Onbekend
Voorlopertipe	Onbekend
	Notas
Portaal	Sterrekunde

SN 1572 was 'n supernova (ontploffende ster) wat in die jaar 1572 gesien is. Dit is in die Kassiopeia-konstellasie waargeneem. SN 1572 word ook Tycho se ster of Tycho se supernova genoem, omdat Tycho Brahe dit bestudeer en beskryf het. Die supernova het in November 1572 verskyn en kon tot in 1574 gesien word. Dit was een van slegs 'n handvol supernovas wat sonder teleskope waargeneem is.

Die supernova is waarskynlik eerste deur Wolfgang Schuler op 6 November 1572 ongeveer 7°,7 noord van die ster α Cassiopeiae opgemerk.^[1] Die Deense sterrekundige Tycho Brahe sien die "nuwe ster" op 11 November en merk dat dit helderder as al die andere sterre is, helderder as Sirius en selfs helderder as Jupiter. Die maksimum helderheid van die supernova was ongeveer dieselfde as vir Venus, met 'n magnitude van ongeveer -4. Dit kon vir twee weke lank in die dag met die blote oog gesien word.

Aan die einde van November begin die ster se helderheid afneem en verander die kleur daarvan van wit na oranje-rooi. Die helderheid het bestendig bly afneem, maar was tot Maart 1574 met die blote oog sigbaar. In totaal is die ster sowat 16 maande lank gesien.

In 1573 skryf Brahe 'n boek, De Stella Nova, oor die "Nuwe Ster". Volgens akkurate waarnemings wat hy gemaak het was dit waarskynlik 'n tipe Ia-supernova gewees.^[2]

↑ Blast From The Past: Astronomers Resurrect 16th-Century Supernova ScienceDaily (4 Desember 2008)
↑ Krause, Oliver; et al. (2008). "Tycho Brahe's 1572 supernova as a standard type Ia as revealed by its light-echo spectrum". Nature. 456 (7222): 617–619. arXiv:0810.5106. Bibcode:2008Natur.456..617K. doi:10.1038/nature07608. PMID 19052622.

[1] Blast From The Past: Astronomers Resurrect 16th-Century Supernova ScienceDaily (4 Desember 2008)

[Krause2008-2] Krause, Oliver; et al. (2008). "Tycho Brahe's 1572 supernova as a standard type Ia as revealed by its light-echo spectrum". Nature. 456 (7222): 617–619. arXiv:0810.5106. Bibcode:2008Natur.456..617K. doi:10.1038/nature07608. PMID 19052622.

[1]

[2]