Back Satem AST Сатем езици Bulgarian Satem languages English Satem-lingvoj EO Satem Spanish Satemspråk NB Języki satem Polish Limbi centum și limbi satem Romanian Satemové jazyky SK Сатемски језици Serbian
Die Satem-tale is genoem na die Avestiese woord satəm (honderd). Dit vorm 'n subgroep van die Indo-Europese tale, saam met die Kentum-tale. Veral die oostelike Indo-Europese tale behoort tot die subgroep, met die uitsondering van Togaars (in Wes-China) wat tot die Kentum-groep behoort.
Die benaming word ontleen aan die verskynsel dat die Indo-Europese tale onder te verdeel is in een groep waarby die woord vir die getal 100 met velare of palatale plofklank begin (byvoorbeeld k), en in een groep waarby die woord vir 100 met 'n alveolêre of 'n palato-alveolêre frikatiewe klank begin (byvoorbeeld s of sj).