Back سيمنز فيلارو Arabic Siemens Velaro BS Siemens Velaro German Siemens Velaro English Siemens Velaro Spanish Siemens Velaro Finnish Velaro French סימנס ולארו HE Siemens Velaro Hungarian Siemens Velaro ID
Die woord Velaro (afgelei van die Spaanse term vir hoëspoed: velocidad alta) is 'n handelsmerk van die Duitse maatskappy Siemens AG en verwys na 'n reeks hoëspoedtreine wat deur die dogtermaatskappy Siemens Mobility ontwikkel is. Hierdie treine is gebaseer op die ICE 3-reeks van Duitse hoëspoedtreine en is by die behoeftes van spoorwegmaatskappye in uitvoermarkte aangepas.
- Die Spaanse Spoorweë RENFE was die eerste maatskappy wat Siemens se Velaro E-trein as RENFE-konstruksiereeks 103 aangekoop het. Met 'n togsnelheid van 350 km per uur en 'n maksimale spoed van 403,7 km per uur was hierdie variant tussen 22 Junie 2007 en 28 September 2010 die vinnigste treinreeks ter wêreld.
- Vir die Russiese Spoorweë is die Velaro RUS-konstruksiereeks ontwikkel wat by die Russiese breë spoorwydte aangepas is en as Sapsan-hoëspoedtrein Moskou met Sint Petersburg verbind.
- Die Velaro D-reeks is vir die Duitse Spoorweë as konstruksiereeks 407 ontwikkel.
- Vir die Chinese mark word die CRH3-reeks vervaardig.
In Desember 2011 was die Velaro-konstruksiereeks met 369 verkoopte eksemplare die suksesvolste hoëspoedtrein ter wêreld. In Februarie 2011 het die totale waarde van bestellings 4,4 miljard € (44 miljard ZAR) beloop.