Back معركة مطار أنتونوف Arabic Боеве за летище „Антонов“ Bulgarian Batalla de l'aeroport Antónov Catalan Bitva o letiště Hostomel Czech Schlacht um den Flughafen Kiew-Hostomel German Battle of Antonov Airport English Batalla del Aeropuerto Antonov Spanish Antonovi lennujaama lahing ET Antonov Aireportuko gudua EU نبرد فرودگاه آنتونوف FA

Slag van die Antonof-lughawe

Die Slag van die Antonof-lughawe, ook bekend as die Slag van die Hostomel-lughawe, was 'n militêre slag wat plaasgevind het by die Antonov-lughawe in Hostomel, Kijif-oblast tydens die Kijif-offensief van die 2022 Russiese inval in die Oekraïne.

'n Nader foto van die oorblyfsels van die Antonof An-225

Op 24 Februarie 2022, 'n paar uur nadat die president van Rusland, Wladimir Poetin, die begin van 'n "spesiale militêre operasie" in die Oekraïne aangekondig het, het Russiese troepe van die Russiese valskermmagte (VDV) 'n lugaanval op Antonof-lughawe gedoen met die doel om dit oor te neem. Die lughawe het strategiese waarde gehad aangesien dit minder as 10 kilometer (6,2 myl) buite die hoofstad Kijif geleë was, wat Russiese troepe in staat sou stel om meer troepe en swaarder toerusting per lug in te bring om die stad direk te bedreig.[1] Die Oekraïense weermag het egter gereageer met 'n teenaanval wat die onondersteunde Russiese magte omsingel het en die aanvanklike aanval afgeweer het.[2]

Die aanval is die volgende dag hervat met nog 'n valskermaanval deur die VDV, gekombineer met 'n grondaanval deur gepantserde versterkings wat van die Belarussiese grens af kom en deur die Oekraïense verdediging gebreek het. Die lughawe is toe deur die Russiese magte oorgeneem.[2] Ten spyte hiervan het die onverwagte Oekraïense weerstand die planne van 'n vinnige kapitulasie van Kijif in die wiele gery,[3] en die lughawe was te beskadig om voorts as 'n funksionele landingstrook gebruik te word.[4]

Die Antonof An-225 Mrija, die wêreld se grootste vliegtuig, is tydens die Slag van die Antonof-lughawe in sy vliegtuigloods vernietig.

  1. ↑ Roblin, Sebastien (27 Februarie 2022). "Pictures: In Battle For Hostomel, Ukraine Drove Back Russia's Attack Helicopters and Elite Paratroopers". 19FortyFive. Geargiveer op 26 Februarie 2022. Besoek 28 Februarie 2022.
  2. ↑ 2,0 2,1 "Эксперт объяснил значение киевского аэродрома Гостомель для спецоперации". MKRU. 25 Februarie 2022. Geargiveer vanaf die oorspronklike op 26 Februarie 2022. Besoek op 27 Februarie 2022.
  3. ↑ Marson, James (3 Maart 2022). "Putin Thought Ukraine Would Fall Quickly. An Airport Battle Proved Him Wrong". The Wall Street Journal (in Engels). Dow Jones & Company. eISSN 1042-9840. ISSN 0099-9660. OCLC 781541372. Geargiveer vanaf die oorspronklike op 7 Maart 2022. Besoek op 8 Maart 2022.
  4. ↑ "Ukraine asks for fighters of all ages, reports city lost, but successes elsewhere". The Times of Israel (in Engels). 25 Februarie 2022. OCLC 969749342. Geargiveer vanaf die oorspronklike op 27 Februarie 2022. Besoek op 1 Maart 2022.

Slag van die Antonof-lughawe

Dodaje.pl - Ogłoszenia lokalne