Sneeuplankry

Sneeuplankry (Eng: snowboarding) is 'n wintersport waar mens met 'n plank van 'n sneeubedekte berg afgly. Die sport is oorspronklik afgelei van branderplankry. Aanvanklik het deelnemers 'n plank onder hul voete met hul hande vasgehou en sodoende deur sagte poeiersneeu probeer gly. Die sport het in die tussentyd baie verander en sneeuplankry is tans 'n gewilde wintersport en word ook in verskeie films goedgunstiglik uitgebeeld. Behalwe op berge kan mens ook op 'n spesiaal voorbereide piste gaan sneeuplankry.

Dit is in die Verenigde State in die 1960's ontwikkel, en het in 1998 'n Olimpiese Wintersport geword.^[1]

Die sport het baie entoesiastiese deelnemers dwarsoor die wêreld.

1. ↑ "Snowboard equipment and history" (in Engels). International Olympic Committee. 2015. Geargiveer vanaf die oorspronklike op 2 April 2020. Besoek op 23 April 2016.