Back Aire solar AN ريح شمسية Arabic Vientu solar AST Günəş küləyi AZ Сонечны вецер BE Сонечны вецер BE-X-OLD Слънчев вятър Bulgarian सौर हवा BH Sunčev vjetar BS Vent solar Catalan
Die sonwind is 'n stroom plasma of gelaaide deeltjies wat van die Son se boonste atmosfeer ontsnap het. Deur die groot hitte in die Son se korona, 1 miljoen Kelvin, kry die protone en elektrone 'n gemiddelde snelheid van 145 km/s. Sommige deeltjies verkry egter só 'n hoë snelheid, dat hulle uit die atmosfeer ontsnap; die sogenaamde "ontsnappingssnelheid" is 618 km/s. Hierdie verlies aan deeltjies veroorsaak dat die Son elke jaar ongeveer 60×1015kg van sy massa verloor. In sy 4,6 miljard leeftyd is dit egter maar ongeveer 0,01 persent van sy totale massa. Wanneer die sonwind teen ongeveer 450 km/s verby die Aarde "waai", bevat dit 9 protone, 10 elektrone, 0,5 alfadeeltjie en 'n klein breukdeel hooggelaaide ione.
Die sonwind is verantwoordelik vir die helio- of sonsfeer, 'n groot bel in die interstellêre materie wat die Sonnestelsel omring. Ander fenomene wat met die sonwind geassosieer word is geomagnetiese storms wat die kragnetwerke op Aarde uitskakel, die aurora's en die plasmasterte van komete wat altyd weg van die son af wys.