Back Tauros ALS جبال طوروس Arabic Montes Tauro AST Tavr dağları AZ Тавр һырты BA Таўр BE Тавър Bulgarian তোরোস পর্বতমালা Bengali/Bangla Taursko gorje BS Muntanyes del Taure Catalan
Die Taurus (Turks: Toros Dağları; Koerdies: Çiyayên Torosê; Oud-Grieks: ὄρη Ταύρου) is 'n bergreeks in Suid-Turkye wat die kusstreek langs die Middellandse See in die suide van die Anatoliese hoogland in die noorde skei. Die bergreeks streek langs 'n kurwe van die Eğirdirmeer in die weste tot die bolope van die Eufraat- en Tigrisriviere in die ooste.
Die Taurus streek oor sowat 1 500 km. Demirkazık Dağı is met 3 756 meter bo seevlak die hoogste bergpiek van die Taurus. Dit behoort tot die Alpynse berggordel van Eurasië.
Die Taurusgebergte word soos volg van wes na oos in drie kettings verdeel:
- Westelike Taurus (Batı Toroslar)
- Akdağlar, die Beygebergte, Katrancıkgebergte, Geyikgebergte
- Sentrale Taurus (Orta Toroslar)
- Akçalıgebergte, Bolkargebergte, Anti-Taurusgebergte, Tahtalıgebergte, Aladaglargebergte
- Suidoostelike Taurus (Güneydoğu Toroslar)
- Nurhakgebergte, Malatyagebergte, Madengebergte, Gençgebergte, Bitlisgebergte