Tetrachlorosinkaat

Eienskappe

Algemeen
Naam	Tetrachlorosinkaat
Termochemiese radius	3,06(19) Å[1]
Lys van anione

'n Tetrachlorosinkaat is 'n sout wat die komplekse anioon ZnCl₄^2- bevat.

Die anioon het die vorm van 'n tetraëder en die oksidasietoestand van die sentrale atoom is 2+.

'n Sout soos kaliumtetrachlorosinkaat kan eenvoudig gevorm word deur die indamp van 'n oplossing wat KCl en ZnCl₂ in 'n molêre verhouding 2:1 bevat. ^[2]

Egter ook sterk oplossings van ZnCl₂ bevat hierdie ioon. Die trihidraat ZnCl₂.3H₂O is benede 8^oC 'n vastestof wat bestaan uit die Zn(H₂O)₆²⁺-katioon en die tetrachlorosinkaat-anioon. By kamertemperatuur is dit 'n vloeistof, maar dit bestaan nog uit dieselfde ione en is daarmee 'n ioniese vloeistof. ^[3] Die vastestof kan geskryf word as ZnZnCl₄.6H₂O en is isostruktureel met MgZnCl₄.6H₂O.^[4]

1. ↑ Thermochemical Radii of Complex Ions Helen K. Roobottom, H. Donald B. Jenkins, Jack Passmore, Leslie Glasser Journal of Chemical Education 76(11) 1999, bls. 1570
2. ↑ Ibrahim Mikhail, Karl Peters The structure of Potassium Tetrachlorozincate Acta Cryst. (1979), B35, 1200-1201
3. ↑ Robert J. Wilcox et al. Crystalline and Liquid Structure of Zinc Chloride Trihydrate: A Unique Ionic Liquid, Inorg. Chem., 2015, 54 (3), pp 1109–1119
4. ↑ Rumen Duhlev, Josef Macicek Structure of Magnesium Zinc Tetrachloride Hexahydrate MgZnCl₄.6H₂O