Thompson Boekdrukkery is in 2011 gestig met die doel om Afrikaanse wetenskapfiksie en fantasie-boeke vir volwassenes te publiseer en te bevorder. Hulle het verskeie Afrikaanse boeke in gedrukte asook e-boekvorm gepubliseer. Lesers kan boeke vanaf hulle webtuiste aankoop en skrywers kan manuskripte aan hulle voorlê. Hulle bied ook 'n jaarlikse Afrikaanse wetenskapfiksie en fantasie kortverhaalskryfkompetisie aan.
Op 12 Mei 2016 word op Afrifiksie se Facebookblad aangekondig dat sy bedrywighede in Augustus 2016 gestaak word:
|
Afrikaanse Wetenskapfiksie en Fantasie aanhangers, skrywers en ondersteuners. Thompson Boekdrukkery en Afrifiksie sal na die afloop van ons jaarlikse skryfkompetisie sluit. As 'n twee man, nee een man en vrou span, het die taak om Afrikaans in die Wetenskapfiksie en Fanasie genre te bevorder net te veel geword.
Ons wil elkeen van julle bedank vir julle ondersteuning en vriendskap, en ons hoop is dat julle die stryd sal voort sit, wat julle elkeen het dit in julle om dit te laat slaag.
|
|
Drie dae later word uitdruklik gestel dat Afrifiksie en Thompsons Boekdrukkery sonder winsbejag was. Die skrywers is aangemoedig om voort te bly skryf en, indien hul werk by die hoofstroomuitgewers verwerp word, van selfpublikasieuitgewers gebruik te maak.