Trent Bridge

Trent Bridge
Wedstryd tussen Engeland en Nieu-Seeland op Trent Bridge in 2008
Ligging	West Bridgford, Nottinghamshire, naby Nottingham
Koördinate	52°56′12.78″N 1°7′55.78″W / 52.9368833°N 1.1321611°W / 52.9368833; -1.1321611
Eienaar	Nottinghamshire County Cricket Club
Kapasiteit	15 500[1]
Oppervlak	Gras
Konstruksie
Gebou	1838
Huurders
Nottinghamshire County Cricket Club Engelse nasionale krieketspan

Trent Bridge is 'n krieketveld in Engeland wat meestal gebruik word vir toets-, internasionale eendag- en graafskapskrieket. Dit is geleë in West Bridgford, Nottinghamshire, net oorkant die Trentrivier by die stad Nottingham.

Trent Bridge is ook die hoofkwartier van Nottinghamshire County Cricket Club. Benewens internasionale krieket en Nottinghamshire se tuiswedstryde het die veld twee keer die eindwedstryd van die Twintig20-beker aangebied. Trent Bridge is al tydens vyf krieketwêreldbekertoernooie vir wedstryde ingespan: in 1975, 1979, 1983, 1999 en 2019.

In 2009 is die veld vir die IKR se WêreldTwintig20 gebruik en het dit ook die halfeindstryd tussen Suid-Afrika en Pakistan aangebied. Die veld ontleen sy naam van die nabygeleë hoofbrug oor die Trent, en is ook naby Meadow Lane en die City Ground, die sokkerstadions van Notts County en Nottingham Forest onderskeidelik.

1. ↑ (en) "The many shapes of England's cricket stadiums". BBC. Besoek op 18 Desember 2021.