Vaaldam

Vaaldam
Die Vaaldam
Ligging	Grens aan Gauteng, Vrystaat en Mpumalanga
Provinsie/Land	Suid-Afrika
Koördinate	26°52′56″S 28°06′58″O / 26.88222°S 28.11611°O / -26.88222; 28.11611
Dam in	Vaalrivier
Doel	Nywerheid en huishoudelik
Openingsdatum	1938
Eienaar	Departement Waterwese
Soort dam	Gravitasiedam
Hoogte van wal	54,2 m
Bakmaat	2 609 799 000 m3[1]
Reservoir	Vaaldam
Damoppervlak	320 km2[1]

Die Vaaldam is in 1938 voltooi nadat die aanvraag na water in Johannesburg aansienlik gegroei het. Die dam is gebou by die samevloei van die Wilge- en Vaalrivier sowat 70 km suid van Johannesburg en sowat 30 km suidoos van Vereeniging. Dit is die tweede grootste dam in Suid-Afrika in terme van oppervlakarea en het die vierde grootste volume van alle damme in Suid-Afrika. Drie provinsies grens aan die dam, naamlik Gauteng, Vrystaat en Mpumalanga.

Die Vaaldam se opvangsgebied is sowat 38 500 km² groot waarvan die grootste gedeelte in die Vrystaat is. Die gemiddelde jaarlikse neerslag in die opvangsgebied is 700 mm. Die natuurlike invloei van die dam is 1 950 miljoen kubieke meter per jaar, maar die Grootdraai en Sterkfonteindamme stroomop beperk die natuurlike invloei van water tot 1 400 miljoen kubieke meter per jaar. Die Vaaldam se oppervlakarea as dit vol is, is 320 km² en die dam kan 2 609 miljoen kubieke meter water opgaar.

1. ↑ ^{1,0 1,1} "Vaal Dam". Departement van Waterwese. Besoek op 28 Mei 2014.