Back Multiplikation ALS ማባዛት AM Multiplicación AN ضرب Arabic ضرب ARZ Multiplicación AST Vurma AZ چارپما AZB Ҡабатлау BA Pagpadakul (matematika) BCL
Die vermenigvuldiging van een getal met 'n ander beteken dat die eerste getal soveel keer by homself getel word soos wat aangedui word deur die tweede getal. As 3 byvoorbeeld met 4 vermenigvuldig word, word dit as 3 x 4 geskryf. Dit beteken dat die getal 3 vier keer by homself getel word (3+3+3+3). Die antwoord is 12.
Dit is makliker om vermenigvuldiging in plaas van optelling te gebruik, veral wanneer daar met groot getalle gewerk word, bv. 10 x 30 = 300. Dit is makliker en vinniger om dit te skryf as om die getal 10 dertig keer op te tel.
Vermenigvuldiging kan met deling gekontroleer word, en deling kan met vermenigvuldiging gekontroleer word.
Wanneer jy 'n telgetal met 10 vermenigvuldig, word 'n nul aan die einde van die getal gevoeg.
Byvoorbeeld: 4 × 10 = 40
40 × 10 = 400
45 × 10 = 450
400 × 10 = 4 000
Wanneer daar met drie of meer getalle vermenigvuldig word, maak dit nie saak hoe die getalle gegroepeer is nie. Die antwoord sal altyd dieselfde wees.
Die volgorde van vermenigvuldiging met twee getalle verander nie die uitsetwaarde nie.
Voorbeeld: 5 × 4 × 3 = 20 × 3 = 60 en 5 × 3 × 4 = 15 × 4 = 60.
Die volgorde van vermenigvuldiging en optelling saam gee verskillende uitsetwaardes. Die volgorde van die bewerkings kan dus nie verander nie.
Voorbeeld: 5 × 4 + 3 = 23 maar 3 + 5 = 8 en 8 × 4 = 32.
Wanneer 'n getal verhef word tot 'n mag, beteken dit dat dit 'n sekere aantal keer met homself vermenigvuldig word. Byvoorbeeld, 32, of drie tot die mag twee, beteken 3 × 3 = 9. Getalle kan tot enige mag verhef word.
Die getal wat tot die mag verhef word, word die grondtal genoem. Die mag waartoe daardie grondtal verhef word, word die eksponent genoem.
Voorbeeld:
32 = 3 × 3 = 9
52 = 5 × 5 = 25
72 = 7 × 7 = 49
73 = 7 × 7 × 7 = 343
Twee spesiale soorte magte is kwadrate en derdemagte. Enige getal vermenigvuldig met homself word die kwadraat van die getal genoem. Kwadrate van heelgetalle kan met 'n reeks diagramme voorgestel word. Hierdie getalle word volkome vierkante genoem.
Sommige rekenkundige bewerkings is kommutatief, wat beteken dat die getalle in die bewerking in enige volgorde geskryf kan word. Optelling en vermenigvuldiging is kommutatief:
4 + 3 = 7 en 3 + 4 = 7
3 x 4 = 12 en 4 x 3 = 12