Viti Levu

Viti Levu Inheemse naam: विटी लेव
Topografiese kaart van Viti Levu
Geografie
Ligging	Melanesië, Stille Oseaan
Koördinate	17°48′S 178°0′O / 17.800°S 178.000°O / -17.800; 178.000
Argipel	Fidji
Oppervlakte	10 388 vk km
Hoogste punt	Tomanivi 1 324 m
Administrasie
Fidji
Divisies	Westelike en Sentrale Divisie
Hoofstad	Suva
Grootste stad	Suva (77 366)
Demografie
Bevolking	600 000
Bevolkingsgroepe	Fidjiane (54,3%), Indo-Fidjiane (38,1%); ander (Asiate, Europeërs, ander Pasifiese eilanders; 7,6%)

Viti Levu (Fidjiaans: [ˈβitʃi ˈleβu]; Fidjiaanse Hindi: विटी लेव; letterlik: "Groot Fidji") is die grootste eiland van die eilandnasie Fidji, beide volgens oppervlakte en bevolking. Op die eiland is ook Fidji se hoofstad en grootste stad, Suva, geleë. Van die ander groot stede sluit in Ba, Lautoka, Nausori, Rakiraki, Sigatoka en Nadi; laasgenoemde beskik oor 'n internasionale lughawe. Net noord van Viti Levu is Vanua Levu, die tweede grootste eiland van Fidji, geleë. Viti Levu grens in die ooste aan die Korosee.

Die eiland is van 'n vulkaniese oorsprong en streek oor sowat 106 km in 'n noord-suidelike en sowat 146 km in 'n oos-westelike rigting. Saam met die 5 587 km² grote, sowat 70 km noord geleë buureiland Vanua Levu vorm Viti Levu sowat 90% van Fidji se oppervlakte. Met 'n bevolking van sowat 600 000 bly omtrent driekwart van Fidji se bevolking op Viti Levu.

Viti Levu is glo langer bevolk as die noordelike buureiland Vanua Levu. Volgens mondelike oorlewerings het die eerste Melanesiese settlers by Vuda Point voet aan wal gesit en Viseisei gestig, dalk Fidji se oudste nedersetting, alhoewel argeoloë hierdie teorie verwerp.