Zalambdalestes

Zalambdalestes Tydperk: Kryt 83.6–72.1 m. jaar gelede T J K Pg N
Zalambdalestes
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Subklas:	Eutheria
Familie:	† Zalambdalestidae
Genus:	† Zalambdalestes

Zalambdalestes is 'n fossiele soogdierspesie wat tot die Eutheria behoort. Daar is fossiele van hoë kwaliteit van hierdie diertjie uit die kryt-periode (vroeë Campanium) van die Gobi-woestyn van Mongolië bekend. Meer as twintig fossiele is gevind tydens verskeie ekspedisies. Die eerste bioloë wie dit beskryf het was Gregory en Simpson in 1926.^[1]

Zalambdalestes was ongeveer 20 cm lank en moes soos 'n skeerbekmuis gelyk het en van insekte geleef het.^[2] Sy skedel is amper 50 mm lank en hy het 'n aantal primitiewe kenmerke. Dit is ook bekend dat Zalambdalestes epipubiese beendere gehad het, wat vandag by buideldiere maar nie by plasentale soogdiere aangetref word nie. Hoewel dit duidelik is dat Zalambdalestes by die Eutheria gereken moet word en nie by die Metatheria, die voorouers van die buideldiere nie, kan hierdie spesie waarskynlik nie by die Placentalia-kroongroep van die Eutheria gereken word nie waartoe alle huidige plasentale soogdiere behoort.

1. ↑ New data on the skull and dentition in the Mongolian late Cretaceous eutherian mammal Zalambdalestes. Bulletin of the AMNH ; no. 281 Wible, John R.; Novacek, Michael J.; Rougier, Guillermo W..
2. ↑ "Prehistoric wildlife" (in Engels). Geargiveer vanaf die oorspronklike op 29 Oktober 2019. Besoek op 11 Junie 2017.