Back بيبلوم Arabic پيپلوم ARY সোর্ড-অ্যান্ড-স্যান্ডল Bengali/Bangla Peplum Catalan Sandalenfilm German Ταινία χλαμύδας Greek Sword-and-sandal English Peplofilmo EO Péplum Spanish Peplum EU
O cine de peplum u simplament peplum ye un chenero cinematografico a on que l'ambientación d'a cinta s'escayece en una Antigüidat que gosa estar l'Antiga Roma u l'Antiga Grecia, encara que bi ha d'atras ambientacions posibles. O nombre d'o chenero provién d'a voz en latín "peplum", que designa a una traza de tela ta fer-la servir como toga y que a la vegada provién d'a voz en griego antigo πέπλος / péplos.
Encara que ta beluns se tracta d'un chenero cinematografico propio, atros opinan que en realidat no ye so que un subchenero d'o cine historico, d'o cual nomás difiere que en a suya epoca y puesto d'ambientación.
Orichinalment o nombre s'aplicaba a las produccions de cine italiano que dende finals d'os anyos 1950 se produciban a ixués en ixe país y que dillá d'a suya ambientación teneban poca cosa de realidat historica, y en ixas envueltas "peplum" teneba caracter peyorativo, no estando dica anyos dimpués que s'ha extendiu l'emplego d'a palabra dica abracar cualsiquier cinta ambientada en l'Antigüidat.