Grau (costa)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre un grau en a costa. Pa atros significatos d'a parola grau vaiga a grau (desambigación).

Un grau ye un punto d'a costa que sirve ta desembarcadero. A sobén orichina vicos maritimos por o desdoblamiento portuario d'un lugar u una ciutat, que gosa estar situada a una distancia de menos de 10 km. Este feito, muit usual en o golfo de Valencia, s'explica por a francha litoral d'almarchals con risgo de paludismo que dende antigo desaconsellaban o establimiento d'os nuclios urbans a cantos d'a mar. Por ixo s'establiba un terrero dica la placha, on yera bastiu o grau.

Podeba coincidir con a boquera d'un río: antigament, o Xúcar, y encara huei o Millars en Almazora, o río Seco de Bechín en Borriana (Grau de Borriana), o Guadalaviar en Valencia (Grau de Valencia) y o Serpis en Gandía (o Grau de Gandía).

Os atros graus, os d'almarchal, son a lo norte de Valencia: o Grau Vell de Sagunt, o Grau de Moncofa, y o Grau de Castellón. Actualment os graus d'Almazora y de Moncofa han desapareixito com a puertos, mientres que han estau desafectaus os de Borriana y Murviedro, construindo-se puertos modernos, a lo norte d'os antigos graus.

Grau tamién tien o sentiu de canal u estreito chicot que comunica una albufera con a mar.^[1]

1. ↑ (es) Eumenio Ancochea Soto, Francisco Anguita Virella, Fernando Moreno Serrano. Geología Procesos externos. Editorial Edelvives. pp 156