Amonya

Amonya

Mga pagsaladawan nin amonya: duwang-dimensyonal na istraktura, bola asin istik na modelo, sagkod an ispasyong pagpano na modelo

An amonya (Ingles: ammonia) iyo sarong kompuwesto nin nitroheno asin hidroheno na may pormula na NH₃. Sarong pusog na binary hydride, asin an pinakasimpleng pnictogen hydride, an amonya iyo mayong kulay na gas na may bistong maraot na parong.

Ini iyo sarong bistadong nitrohenosong ati, partikular sa mga organismo sa katubigan, asin iyo may signipikong ambag sa nutrisyonal na pangangaipo kan mga organismo sa daga sa paagi kan pagigin prekursor sa pagkakan asin pataba sa daga. An amonya, direkta o dae-direkta, iyo saro man na minahaman sa sintesis kan nagkapirang mga parmasyutikong produkto asin iyo nagagamit sa nagkapirang panglinig na produkto sa komersyo. Ini iyo pangenot na nakokolekta sa paibabang displasamento sa parehong ere asin tubig.

An pankinabang industriyal na produksyon nin amonya kan 2018 iyo 175 na milyong tonelada,^[1] na mayo nin signipikong pagbabago relatibo sa 2013 na pankinabang industriyal na produksyon na 175 na milyong tonelada^[2] An industriyal na amonya iyo naibebenta bilang ammonia liquor (harus 28% amonya sa tubig) o may presyon o malipoton na anhidroso (anhydrous) na likidong amonya na naibabiyahe sa tangke na awto o silindro.^[3]

1. ↑ "Mineral Commodity Summaries 2020, p. 117 – Nitrogen" (PDF). USGS. 2020. Retrieved 12 February 2020. 
2. ↑ "Nitrogen (fixed) - ammonia statistics". USGS. 2017. Retrieved 12 February 2020. 
3. ↑ R. Norris Shreve; Joseph Brink (1977). Chemical Process Industries (4th ed.). p. 276. ISBN 978-0-07-057145-7.