| Politika ti Filipinas |
|---|
 |
Ti purok ket paset ti baranggay ken kakuyog ti sitio, ket isu ti kabassitan kadagiti politikal a pannakabingbingay iti Filipinas. Adda laeng dagiti dadduma a baranggay nga addaan kadagiti purok.[1]
Idiay Cebu, ti purok ket kadawyan a buklen dagiti 20 aginggana dagiti 50 wenno ad-adu pay a kamkameng depende iti naisangayan a heograpikal a lokasion ken dagiti rimpuok ti balbalay.[2] Adda met dagiti baranggay ti Cebu ngem addaan kadagiti ad-adu ngem 8 a purok.[3] No mapartuat daytoy ken maikkan iti bilin babaen ti bilin ti baranggay, ili, wenno siudad, ti purok ket makatungpal kadagiti annong ti gobierno iti pannakitinnulong ken panangimaton dagitil lokal nga opisial.[2] Kadagiti kaaduan a purok , ti agmaymaysa a konsehal manipud iti Sangguniang Baranggay ken Kabataan ket isu ti mangipangulo ti panangiturong ti bukodda a purok. Kadagiti dadduma ti agasmang dagiti opisial ket mabutosan iti tinawen wenno tunggal tallo a tawen.[1]
Dagiti purok ket kapadpada met dagiti sitio ngem ti sitio ket ad-adu a naisinsina ken ad-adu nga adda kadagiti away bayat a dagiti purok ket as-asidegda iti sentro ti baranggay, ken naipangpangruna iti baranggay hall.
- ^ a b Alkuino, Xerxes (Agosto 7, 2012). "LGUS URGED TO PUT UP PUROK SYSTEM". Proninsial a Gobierno ti Cebu. Naala idi 11 Pebrero 2013.[permanente a natay a silpo]
- ^ a b "Rafi.Org.Ph: Purok system mobilizes community, improves governance". Ramon Aboitiz Foundation Inc. Mayo 7, 2012. Naiyarkibo manipud iti kasisigud idi 2013-12-03. Naala idi 2012-11-14.
- ^ Rien, Fayette C. (Agosto 8, 2012). "Cebu guv wants LGUs to adopt purok system for good governance". Philippine Information Agency. Naala idi 11 Pebrero 2013.