Sahara Occidental

Estatut Territòri ocupat Revendicat per Marròc, que contraròtla e administra 80% del territòri[1] ; e per la Republica Aràbia Saharauí Democratica, proclamada en 1976 pel Front Polisario, que ne contraròtla 20%. Vila principala Leèïon (Lâayoune) Superfícia 266 000 km² Populacion env 273 000[2] Densitat 1/km² Moneda Dirham marroquin (MAD) Fuses oraris Greenwich Indicatiu telefonic + 212

Lo Sahara Occidental (var. -au) (en arabi الصحراء الغربية = As Sahra Al Gharbiyya) es un territòri del nòrd-oèst d'Africa amb un estatut discutit:

• D'un latz es revendicat pel Front Polisario coma un estat que son nom oficial es Republica Aràbia Saharauí Democratica (RASD) [ˈrrast] (en arabi الجمهورية العربية الصحراوية الديمقراطية = Al Jumhuriyya al Arabiyya as Saharawiyya ad Dimuqratiyya).
• D'autre latz, tanben, es ocupat per l'estat de Marròc que lo considèra coma una partida integranta del sieu territòri.

Lo Front Polisario contraròtla los marges orientals mentre que Marròc contraròtla las zonas costièras e centralas. Un mur, construch per l'estat marroquin, separa las doas zonas. Lo país se compausa subretot de desèrt planièr e fa partida de Sahara.

Es frontalièr amb Marròc (al sens estrech) al nòrd, amb Argeria al nòrd-èst e amb Mauritània a l'èst e al sud. Es limitat per l'ocean Atlantic a l'oèst.

La vila principala es Leèïon (El Aaiún, Laâyoune) que ten lo tèrç de la populacion del territòri.

Lo gentilici es saharauí.^[3]

1. ↑ Background Note: Morocco, Departament d'Estat american, julhet de 2006, de legir en linha
2. ↑ Ficha Western Sahara, CIA World Factbook, de legir en linha
3. ↑ masculin & femenin