Kobalti

Kobalti
Kobalti
Jina la Elementi	Kobalti
Alama	Co
Namba atomia	27
Mfululizo safu	Metali
Uzani atomia	58.933
Valensi	2, 8, 15, 2
Densiti	8.90 g/cm³
Ugumu (Mohs)	{{{ugumu}}}
Kiwango cha kuyeyuka	1768 K (1495 °C)
Kiwango cha kuchemka	3200 K (2927 °C)
Asilimia za ganda la dunia	4.7 %
Hali maada	mango

Kobalti (kutoka Kiingereza cobalt inayotoka Kijerumani kobalt) ni elementi na metali haba duniani. Kikemia ni elementi mpito yenye kifupi cha Co na namba atomia 27 katika mfumo radidia yenye uzani atomia 58.933.

Kobalti hupatikana mara chache kama metali tupu lakini zaidi ndani ya mitapo hasa za nikeli na shaba.

Tangu kale kampaundi zake hutumiwa kwa rangi na wino mbalimbali, hasa za buluu, kijani na njano. Kampaundi ya CoAl₂O₄ inatumiwa kutengeneza kioo cha buluu.

Katika karne ya 20 matumizi yalienea katika uzalishaji wa feleji, aloi yake inaongeza ugumu wa feleji.

Tangu kupatikana kwa simu za mkononi na magari ya umeme kobalti imekuwa muhimu sana kwa uzalishaji wa beteri. Hii ilisababisha mlipuko wa soko la kobalti na uchimbaji wake. Mwaka 2016 takriban asilimia 60 za mahitaji yote yalichimmbwa katika Jamhuri ya Kidemokrasia ya Kongo^[1].

1. ↑ The hottest thing in the markets right now is an obscure metal mined in DR Congo, tovuti ya Quartz.com ya April 27, 2017, iliangaliwa Januari 2018
2. ↑ Cobalt 2007 kwa USGS Mineral Resources.
3. ↑ Cobalt 2014 kwa USGS Mineral Resources
4. ↑ Cobalt 2016 kwa USGS Mineral Resources