Back كناشة Arabic Kollektaneenbuch German Commonplace book English Cuaderno de temas comunes Spanish Commonplace book Italian 備忘録 Japanese
Die ekserpteboek (Engels: commonplace book) het sy ontstaan in die 15de eeu gehad met die meer algemene beskikbaarheid van goedkoop skryfpapier, hoofsaaklik in Engeland. Dit is beskou as 'n manier om kennis te boekstaaf deur die skryf daarvan in boeke. Dié boeke was in wese plakboeke met items van enige aard: mediese resepte, aanhalings, briewe, gedigte, tafels vir gewigte, spreekwoorde en gebede. Ekserpteboeke is gebruik deur lesers, skrywers, studente en humaniste as 'n hulp om bruikbare konsepte of feite te onthou. Elke ekserpteboek was uniek ten opsigte van sy skepper se belangstellings.
Moderne redakteurs beskou ekserpteboeke nie as van literêre waarde nie. Die waarde van die werke is egter geleë in die insig wat dit bied ten opsigte van die smaak, belangstellings, persoonlikheidstrekke en bekommernisse van hul individuele opstellers.
Sommige moderne skrywers beskou die webjoernaal as die moderne analogie vir die ekserpteboek.