Back ኖቲንግሃም AM Nottingham AN Snotingahām ANG نوتنغهام Arabic نوتنجهام ARZ Nottingham AST Nottinqem AZ ناتینقهام AZB Nottingham BAN Нотынгем BE
City of Nottingham | |
|---|---|
Stad | |
 | |
 Wapen | |
  City of Nottingham | |
| Koördinate: 52°57′00″N 1°09′00″W / 52.95000°N 1.15000°W | |
| Land | .svg){kind=small} Verenigde Koninkryk |
| Land (VK) |  Engeland |
| Graafskap | Nottinghamshire |
| Stigting | 600 |
| Stadstatus | 1897 |
| Regering | |
| • Lord Mayor | Leon Unczur |
| Oppervlak | |
| • Stad | 74,61 km2 (28,81 vk. myl) |
| Hoogte | 61 m (200 ft) |
| Bevolking | |
| • Stad | 303 900 |
| • Digtheid | 4 073/km2 (10 550/vk. myl) |
| • Stedelik | 729 977 |
| Tydsone | UTC+00:00 (MGT) |
| • Somertyd | UTC+01:00 (BST) |
| Poskode | NG |
| Skakelkodes | 0115 |
| Webwerf | nottinghamcity.gov.uk |
Nottingham is 'n stad, unitary authority en hoofstad van die seremoniële graafskap Nottinghamshire) in die East Midlands-streek van Engeland.
Nottingham staan bekend vir sy historiese verbintenis met die legendariese middeleeuse volksheld Robin Hood en het gedurende die nywerheidsomwenteling tot 'n industriële sentrum van wêreldfaam ontwikkel waar onder meer kantwerk, fietse en tabak vervaardig is.
Die oorspronge van Nottingham strek so ver terug as 600 n.C. Ter geleentheid van koningin Victoria se diamantjubileum in 1897 is stadstatus aan Nottingham toegeken, en die stad dra sedertdien die amptelike titel City of Nottingham.
Nottingham is die tweede grootste nedersetting in die East Midlands na Leicester met 'n bevolking van meer as 300 000, maar vanweëdie relatief klein stadsgebied weerspieël hierdie getal nie die werklike bevolkingskonsentrasie van die gebied nie. Die stedelike gebied van Nottingham Urban Area huisves 'n bevolking van sowat 730 000. In die Britse sensus van 2011 was dit die negende grootste stedelike gebied in die Verenigde Koninkryk.
Vandag is Nottingham 'n belangrike opvoedkundige sentrum met twee universiteite, die Universiteit van Nottingham en die Nottingham Trent-universiteit met altesaam meer as 60 000 studente. Twee professionele English Football League-spanne is in Nottingham gesetel, naas bekende krieke- en yshokkiespanne wat hul tuisvelde en -arenas in die Test-krieketveld en die National Ice Centre het. Die National Water Sports Centre is eweneens in die stad geleë.
Die plaaslike kultuurbedryf beskik oor twee teaters met groot kapasiteite, talle musea en kunsgalerye, waaronder die Nottingham Contemporary, 'n onafhanklike rolprentteater, die Broadway, en 'n verskeidenheid plekke waar konserte van inheemse en internasionale kunstenaars aangebied word, waaronder die Capital FM Arena en Rock City. Die hoofkwartier van BBC East Midlands is eweneens in Nottingham geleë.
Nottingham beskik oor 'n tremstelsel en die mees uitgebreide busnetwerk in die Verenigde Koninkryk. Danksy sy ligging in Sentraal-Engeland word Nottingham deur 'n netwerk van vervoerroetes met die res van die Verenigde Koninkryk en die buiteland verbind. Die East Midlands-lughawe, van waar onder meer geskeduleerde vlugte na die vasteland van Europa aangebied word, is in die suidweste van die stad geleë.
Nottingham was een van die gasheerstede tydens die krieketwêreldbekertoernooie in 1975, 1979, 1983, 1999 en 2019, asook die T20I-wêreldbeker 2009.