Back Laôt Mirah ACE Хыплъыжь ADY Rotes Meer ALS ቀይ ባሕር AM Mar Roya AN Okwaan̄ Anyiaan̄ ANN البحر الأحمر Arabic ܝܡܐ ܣܘܡܩܐ ARC لبحر لحمر ARY البحر الاحمر ARZ
| Rooisee | |
|---|---|
 Nasa-Satellietbeeld van die Rooisee | |
 Kaart van die Rooisee | |
| Koördinate: | 22°N 38°O / 22°N 38°O |
| Ligging: | Djiboeti, Egipte, Eritrea, Israel, Jemen, Jordanië, Saoedi-Arabië, Soedan |
| Soort: | See van die Indiese Oseaan |
| Oppervlakte: | 450 000 km² (174 000 myl²) |
| Gemiddelde diepte: | 490 m (1 610 vt) |
| Maksimum diepte: | 3 040 m (9 974 vt) |
| Volume: | 233 000 km³ (56 000 myl³) |
| Lengte: | 1 930 km (1 400 myl) |
| Breedte: | 355 km (221 myl) |
| Uitvloei: | Bab-el-Mandeb |
| Nedersettings: | Hurghada |
Die Rooisee (Arabies: البحر الأحمر, al-Bahr al-ahmar of الخليج العربي, Arabiese Golf; Hebreeus: 'ים סוף, Yam Suf; Tigrinya: ቀይሕ ባሕሪ, QeyH baHri, Latyn: Maris Erythraei) is 'n see van die Indiese Oseaan tussen Noordoos-Afrika en die Midde-Ooste. Dit is 1 930 km lank, tot 2 211 m diep en het 'n oppervlakte van sowat 450 000 km².[1] Die Griekse naam is Ἐρυθρὰ θάλασσα, wat Eritreïese See beteken en die antieke naam is.[2]
Daar is agt lande aan die Rooisee geleë, naamlik Egipte (oor die Golf van Suez), Israel (die Golf van Eilat), Jordanië (die Golf van Akaba), Saoedi-Arabië, Jemen, Djiboeti (Bab-el-Mandeb), Eritrea en Soedan. Dié see word deur die Golf van Akaba en die Suezkanaal met die Middellandse See en deur die Golf van Aden met die Indiese Oseaan verbind.
Aan die noordekant verdeel die Rooisee in twee om die Sinaiskiereiland; in die weste is die Golf van Suez en in die ooste die Golf van Akaba.
Die Rooisee is een van vier seë wat in Afrikaans en ander tale ná kleure genoem is – die ander is die Geel-, Swart- en Witsee. Die naam van dié see is moontlik afgelei van die seisoenale blomme van die rooi-gekleurde Trichodesmium erythraeum naby die wateroppervlak.
Die Rooisee is 'n gewilde toeristebestemming, veral die noordelike kus van Egipte, Israel en Jordanië. Bekende kusstede sluit in Eilat, Hurghada, Sharm el-Sheikh en Suez. In die Rooisee kan mens snorkel en skubaduik.
- ↑ "Red Sea" (in Engels). Encyclopædia Britannica. Geargiveer vanaf die oorspronklike op 22 Mei 2020. Besoek op 11 Augustus 2017.
- ↑ (en) Lionel Casson: The Periplus Maris Erythraei: text, translation, and commentary Princeton University Press, Princeton 1989. bl. 41.