Back خبز محمص Arabic عيش محمص ARZ Pa torrat Catalan Toast Czech Tost CY Toast Danish Toastbrot German Toast (food) English Rostpano EO Tostada Spanish
Roosterbrood is brood wat gesny en daarna met behulp van hitte bruingebrand is. Die proses om brood te rooster maak die brood warm en bros, en stel 'n geurige reuk vry (soortgelyk aan varsgebak).
'n Elektriese broodrooster word gewoonlik gebruik om roosterbrood te maak. Hierdie broodroosters het gewoonlik gleuwe waarin twee, vier of meer snye brood geplaas kan word. As die brood gereed is, sal dit outomaties uitskiet, waarna dit bedien kan word. Brood kan ook in 'n oond of oor 'n oop vuur gerooster word, terwyl dit met 'n braaitang omgedraai word sodat albei kante eweredig bruin rooster. 'n Maklike manier om braaibroodjies (met enige vulsel in) te maak is om dit in 'n toeklaprooster op koel vuurkole te plaas en dan gereeld om te draai.[1]
Roosterbrood word algemeen tydens ontbyt genuttig. Verskeie smeermiddels kan ingespan word om dit verskillende smake te gee. Botter word gewoonlik hiervoor gebruik, waarna konfyt, heuning, kaas, Marmite/Bovril of ander geurmiddels daaroor gesmeer kan word. Roosterbrood is ook fermer as gewone brood, en kan as basis vir swaarder geregte, soos maalvleis of fyngemaakte vis gebruik word.
Ouer brood word dikwels vir roosterbrood gebruik. Brood kan selfs vir die doeleinde gevries word om later gerooster te word.
Die chemiese proses wat tydens die rooster plaasvind word die Maillard-reaksie genoem. Hiertydens reageer die aminosure en reduserende suikers met mekaar wat vir die bruin kleur verantwoordelik is.
