Back بحر روس Arabic بحر روس ARZ Mar de Ross AST Ross dənizi AZ Росс диңгеҙе BA Segara Ross BAN Мора Роса BE Мора Роса BE-X-OLD Рос (море) Bulgarian রস সাগর Bengali/Bangla
| Rosssee | |
|---|---|
 Nasa-Satellietbeeld van bloeiende plankton in die Rosssee | |
| Koördinate: | 75°0′S 175°0′W / 75.000°S 175.000°W |
| Ligging: | Antarktika |
| Soort: | See van die Suidelike Oseaan |
| Oppervlakte: | 960 000 km² (370 000 myl²) |
| Gemiddelde diepte: | 500 m (1 640 voet) |
| Maksimum diepte: | 1 200 m (3 937 voet) |
| Eiland/e: | Coulman-eiland, Franklin-eiland, Roosevelt-eiland, Ross-eiland, Scott-eiland |
| Gevries: | Feitlik die hele jaar |
Die Rosssee is 'n see van die Suidelike Oseaan tussen Oos- en Wes-Antarktika. Die Rosssee is ná die Britse kaptein en ontdekkingsreisiger James Clark Ross genoem, wat die see in 1841 vir die eerste keer bevaar het. Die see het 'n oppervlakte van sowat 960 000 km² en 'n maksimum diepte van 1 200 m.
Die Rosssee is tussen Victorialand se Kaap Adare in die weste, Koning-Eduard-VII-Land se Kaap Colbeck in die ooste en Rosseiland in die noorde geleë. Die Rosssee grens in die noordooste aan die Somofsee en in die weste aan 'n naamlose see, sowat 1 000 km verder wes is die Amundsensee geleë. Die 60ste suidelike breedtegraad vorm die noordelike grens. Soos al die seë van Antarktika is die Rosssee noord van die Suidpool geleë en feitlik die hele jaar gevries. Die Rosssee word deur Nieu-Seeland as deel van die Ross-Afhanklikheid opgeëis en tot sy Antarktis-gebied gereken, maar omdat dit volgens internasionale reg nie erken word nie, val die see soos die res van Antarktika onder die saak van die Antarktis-verdrag.